-
Висока вредност на Неприходна вода во Вашиот водоснабдителен систем?
За комуналните претпријатија кои се занимаваат со услугата водоснабдување, високото ниво на Неприходна вода (технички и комерцијални загуби на вода) подразбира големи трошоци.
ПОВЕЌЕ
-
Дефект на водоводната мрежа?
Најсовремената опрема за откривање на истекувања и високо стручниот кадар го прават Аквасеив вашиот прв избор во случај на истекување од кој било вид кај приватни лица, комерцијални објекти, институции и комунални претпријатија; доколку има истекување, ние ќе го најдеме!
ПОВЕЌЕ
-
Висока сметка за вода?
Можно е да имате дефект на водоводната инсталација! Неоткриеното истекување од водоводната инсталација може да го чини потрошувачот илјадници денари, а водата неискористена се губи во земја.
ПОВЕЌЕ
-
Како да проверите дали имате внатрешен дефект?
Со едноставна проверка на вашиот водомер може да утврдите дали имате дефект на внатрешната водоводна инсталација.
ПОВЕЌЕ
-
Сакате да ги намалите трошоците за вода?
Многу индустриски, комерцијални, институционални и резиденцијални објекти во одредени сегменти може да станат поефикасни од аспект на потрошувачката на вода.
ПОВЕЌЕ
Наши услуги
ЗА ТОЧНО И ПРОФЕСИОНАЛНО ОТКРИВАЊЕ НА ДЕФЕКТИ И ЗАШТЕДА НА ВОДА И ПАРИ
СОВЕТИ ЗА РАЦИОНАЛНА УПОТРЕБА НА ВОДА
Заштедата на вода во вашиот дом, канцеларија, институција, фабрика, значително ќе придонесе не само за намалување на висината на вашите сметки, туку и за зачувување на водата како природен ресурс.
- Тоалетно казанче
- Машина за перење алишта и миење садови
- Полевање на зелени површини
- Чешми
- Туширање или бањање во када
- Оштетени инсталации
Тоалетно казанче
Тоалетните казанчиња користат околу една третина од целокупната потрошувачка на вода во вашиот дом. Обично традиционално казанче користи околу 10 литри на едно пуштање вода. Ова значи дека веројатно испуштате повеќе вода дневно отколку што ќе испиете за еден месец.- Неисправно казанче дневно троши исто колку и четворочлено семејство, а тоа годишно изнесува 285 метри кубни вода
- Не го користите тоалетот за исфрлање на пепел од цигара или ситен отпад, со што би заштедиле и до 200 л неделно.
- Купувајте казанчиња само со двоен систем за испуштање вода (3/9л).
- Инсталирајте уред за заштеда, кој пропушта вода само при притисната рачка/копче, на кој начин заштедувате и до 50% вода. Истевремено уредот не дозволува заглавување на пловак/арматура и континуирано истекување на вода.
Машина за перење алишта и миење садови
Скоро 20% од целокупната потрошувачка на вода во вашиот дом отпаѓа на машините за перење алишта и садови. Со нивно користење не само што се зголемува потрошувачката на вода туку и на електиричната струја и детергенти кои се штетни за околината. Користете ги вашите машини за перење соодветно.- Вклучете ја машината само кога е полна со алишта и изберете го соодветниот програм за видот на алиштата.
- При купување нови електрични апарати, оние со ниско-енергетска потрошувачка, исто така, инкорпорираат и програми за заштеда на вода. Старите машини за перење алишта користат и до 200 л вода, додека новите со ниска енергетска потрошувачка и до 50 л вода.
- Не е вистина доколку користиме машина за садови трошиме повеќе вода во споредба кога ги миеме рачно, но точно е дека ако машината е полупразна троши иста количина вода и струја како и кога е полна
Полевање на зелени површини
Оптимално време за наводнување на вашата градина е навечер, или евентуално рано наутро.- Ако зелените површини се полеваат навечер а не во тек на денот, корисно е и за растенијата и за заштеда на водата. Навечер или рано наутро растенијата многу подобро ја искористуваат водата бидејќи испарувањето е помало.
- Поголем ефект на штедење ќе се постигне ако градината наместо со црево ја полеваме со вода од канта (така ќе потрошиме 5-10 литри на метар квадратен) а ќе заштедиме 100-200 литри.
- Најдобар ефект на штедење ќе се постигне со инсталирање на програмиран систем за наводнување капка по капка, каде водата е локализирана околу растенијата што е најдобро за нивниот раст, и овозможува избор на времето и фреквенцијата на наводнување.
- Зачувајте ја водата во која сте готвеле - Доколку варите храна, подобро зачувајте ја истата вода отколку да ја фрлите во мијалникот! Таа е богата со нутриенти и кога е изладена, претставува бесплатен фертилизатор за наводнување на вашите растенија.
- Проверете ја временската прогноза! - Зошто да наводнувате и трошите вода, кога можете да ја проверите временската прогноза на телевизија или онлајн, и да заштедите време и пари!
Чешми
Затворете ја секогаш чешмата кога не ја користите.- Отворена чешма троши 18-20 л/мин.
- Затворете ја чешмата додека ги четкате забите или се бричите, бидејќи за едно четкање заби со отворена чешма се трошат и до 20 литри а за бричење и над 40 литри.
- Чешма што прокапува, неопходно е веднаш да се поправи. Може да потроши повеќе од 25 литри/ден.
- Инсталирајте аератори со функција на редукција на протокот на вашите постојни чешми. Лесни се за инсталација и не се скапи, а овозможуваат заштеда на вода и над 50%.
- Во тоалетите во јавни институции, болници, образовни институции и фабрики инсталирајте временски или сензорски чешми, или специјални аератори сo функција на временско исклучување, кои вашите класични постојни чешми може да ги направат најдобри уреди за заштеда на вода и до 84%.
Туширање или бањање во када
Користењето на туш наместо када ви заштедува значителна количина вода. Додека при бањањето во када се користат околу 300 литри вода, при туширање се користат околу 50-80 литри.- Намалете го времето што го минувате под тушот. Туширање со нормален млаз ќе потроши околу 90л вода за 5 минути, но внимавајте!!! Туширањето со силен млаз на вода ќе потроши повеќе од 200л за истото време.
- Бањање во када годи, но бањањето под туш подобро освежува и се заштедува од 150-200 литри вода во однос на бањање во када.
- Затварајте ја водата додека се сапунирате за време на туширање бидејќи во спротивно, се трошат и до 80 литри за едно туширање.
- Набавете туш кабина која ќе ви заштеди и до 400 литри неделно за туширање во однос на голема када
- Инсталирајте уреди за намалување на протокот на вода на рачките за туширање или на цревото за поврзување со чешмата. На овој начин, наместо 18-20 л/м трошите 10 л/м и можете да заштедите и до 50% од потрошената количина вода.
Оштетени инсталации
Најчесто поголемите визуелни дефекти веднаш се санираат, бидејќи го оштетуваат имотот, но од малите скриени дефекти на цевките може да истече значителна количина вода пред воопшто да се добие сознание за нивното присуство.- Низ дупка од 3 мм во метална цевка, при притисок од 2,75 бари, истекуваат 9463 литри вода за 24 часа.
- Дефeкт со големина 6,35 мм (1/4“) при притисок од 3 бари троши 38 м3 дневно | 1140 м3 месечно
- Чешма што пропушта една капка вода во секунда троши повеќе од 25 литри вода дневно! Тоа се над 9 000 литри годишно!
- Тоалетно казанче кое пропушта може да потроши над 285.000 литри вода годишно.
- Поправките на помали истекувања на вода во домаќинството можат да ви заштедат повеќе од 10% од вашата сметка за вода.
- Вообичаени типови на помали истекувања во домот вклучуваат протекување на чешми, протекување на казанче поради истрошен гумен прстен или заглавен пловак, дефектни вентили...Сите тие се релативно едноставни за санација и не побаруваат поголема инвестиција.
- Повеќе од помалите истекувања може лесно да се спречат со инсталирање на уреди за заштеда на вода и спречување на непосакувано истекување.
